ماتت فينا النخوة
والحقيقة ان النخوة المقصودة هي نخوة العربي تجاه اهله وذويه
نخوته تجاه شرفه وكرامته
اصبحت الامور الان في علاقات البنات والاولاد عادية جدا وايه يعني لما اخرج مع زميلتي وايه يعني لما اكلمها في التليفون
وايه يعني لما نقعد مع بعض في اي مكان لوحدنا
ياعم ده مجرد تسلية
طيب وانتي برده مجرد تسلية ...يعني مش خايفة علي مستقبلك وسمعتك ..ولا برده الموضوع بقي عادي
انا لما كتبت البوست ده مكنتش اقصد البنت والولد ولكن قصدت الاصل ..المنبع ..المصدر
للاسف كنت اقصد الاب..الام..الاسرة
كنت بتكلم مع واحد من زملائي في الكلية
والحقيقة بدأ يحكي لي قصة كانت سببا في كتابة البوست ده خاصة بعد طلب اخي محمد صاحب مدونة صيد الخاطر نشره
كان بيحكي انه فيه بنت يعرفها وبيقابلها وكمان بيكلمها في التليفون وكانت مجرد تسلية
وكانت البنت هي دايما اللي بتتصل بيه حتي ان والدها دخل عليها مرة وهي بتكلمه فسألها بتكلمي مين فكانت الكارثة انها ردت عليه بكل سهولة انها بتكلم ميدو...
ههههههههههه
افتكرت ساعتها احمد حلمي ونور لما قالتله يابني متقلقش باباه لارج فقالها ياشيخة قلتله ان الفوطة مش بتاعتي
هههههههههههه
يانهار ابيض يعني الاب اصبح كل همه انه يعرف مين بس اللي بيكلمها
يعني لو كان اللي بيكلمها ابراهيم مينفعش ويبقي غلط ولا هو لازم يكون ميدو
هو اصلا ميعرفقش ميدو مين
لاحول ولا قوة الا بالله العلي العظيم
واحد تاني اتصل برده بواحدة فأخوها اللي رد عليه فبيقله فلانة موجودة فرد عليه بعنف فقال خلاص هتهزأ دلوقتي وهتبقي ليلتي بيضه
فرد عليه قاله اقولها مين؟
يعني برده المشكلة في الاسم مش في صلب الموضوع
هو ياجماعة الموضوع بقي سهل اوي كده
بقينا بنتساهل اوي كده ولا الموضوع معدش يفرق مع الآباء واصبح الآباء كلهم لارج
ده كده احنا بقينا 6 اكس لارج مش لارج
ياجماعة حرام اللي بيحصل ده
مش كل حاجة بتحصل نجيب السبب علي ايمان الاولاد وعدم تمسكهم بدينهم ولو ان ده الاصل والسبب الاول والاكبر لكن التربية والتنشأة بتلعب دور كبير جدا
ايضا متابعة الآباء لاولادهم والاهتمام بهم ومسائلتهم لها دور كبير جدا
لكن ياجماعة اللي بيحصل في الجامعات الان لايرضي الله عزوجل
ولا خلاص معدتش تفرق بالنسبة لنا
ارجع واقول انه فعلا ماتت فينا النخوة!!!!
33 comments:
صلي على النبي صلى الله عليه وسلم
ماتت قلوب الناس مات بنا النخوة يمكن نسينا في يوم ان الشباب والبنات أخوة
وايه يعني ياعم ايه بس اللي مزعلك
مش فاهم أنا والله النفوس الغريبة دي
خليك لارج ياعم محمد
لاحول ولاقوة الا بالله
ربنا يهدي الحال
يابيه أصلا حتى انت لو فكرت شوية هتلاقي لبس البنات سببه برضه سكوت الاهل وان الام عاوزه بنتها تتجوز دي بقت بلاوي ربنا يحفظنا ويعافينا
ماشي ياعمنا
على فكرة انا كتبت قصيدة امبارح كمان بفضل الله تعالى
نعم اخى
ربنا يسترنا جميعا
نخاف من ان نكون من الثلاثة الذين
لا يدخلون الجنة ولا يشمون رائحتها
ومنهم الديوث
الذى لا يغار على اهله
ربنا يعذينا
See Please Here
طبعا النخوه قلت
مش ماتت
بس هى تعبانه شويه والدكتور محرج عليها الخروج
لكن مين عارف يمكن ربنا ينفخ فى صورتها وترجع تانى بصحتها
وترجع معاها الاخلاق
ايوة كده كلمتين منك وكلمتين منى ويمكن حاجة تتغير
اشكرك جدا على هذا الموضوع
الغلط مش عليه لوحده ده غلط بيت معرفش يربى ابنه ويعلمه معنى كلمة حرام ورضى ربنا وغلطة بنت حسست الكل انها هلة وان ده التطور الطبيعى للحاجة الساقعة سور التطور الطبيعى للحرية وهو ده الانفتاح
انا حضرت موقف انيل من ان الوالد ينتظر بس يعرف بنته بتكلم مين
كان واحد بيسال ام البنت عن بنتها وهى عارفه انها بتخرج معاه وبيقول لمامتها اصلنا نازلين دلوقت يا طنط قالتله وماله ياحبيبى هى شوية ونازلالك
لا حول ولاقوة الا بالله
صيد الخاطر
هههههههههههههههههه
ماشي ياعم محمد
انت خلفت وعدك معايا ومجتليش زي ما وعدتني
يابني كفاية شعر بقي ده حتي خطر علي صحتك
ههههههههههههههه
اوعي تكون فيها اسمي برده
امام الجيل
ربنا يسترها معانا
جزاكم الله خيرا
تحياتي
dumuro
حاضر
فرنسا هانم
ربنا يسمع من حضرتك
واهم حاجة الحكاية متطولش
احسن بعد كده يبقي وباء
monaliza
ياريت حاجة تتغير
اهه يبقي الواحد عمل حاجة
العفو.. علي ايه ده واجب
نورتيني
تحياتي
hend..hanady
ههههههههههه
ربنا يعينهم علي النزول
هههههه
الحمد لله الذي عافانا
تحياتي
د/ اجدع بنوتة
جزاكي الله خيرا
سبحان الله
الحكايه دى بقت تفرس
انا برضه اعرف واحد صاحبى يعرف بنت
وبيقعدوا يكلموا بعض بالساعات
ولما قلتله اهلها مبيقولوش حاجه
قالى هما سألوها مين قلتلهم فلان
امها قالت
اه فلان ده ابن حلال ومؤدب
شوفتو التربيه
المشكله ان الست امها دى من اوائل الناس اللى بتنزل تصلى فى المسجد
ودايما تكلم الشارع عن الحلال والحرام
لكن سايبه بنتها مع الشارع كله تمشى معاه وعرفه
اوعي تفكر
ياسيدي الفاضل دع الخلق للخالق
ههههههههههههههه
هي فعلا ده المشكلة
يعني مش كفاية انها عارفة
لا المصيبة انها كمان بتمدح فيه
لاحول ولا قوة الا بالله العلي العظيم
ربنا يرحمنا ويسترنا ويهدينا إلى ما يحب ويرضى
انت غريب يا راجل ايه المشكله؟متبقاش رحعى ومتخلف ،امثالكم هما اللى مرجعلنا لورا
حسبى الله ونعم الوكيل
الديثوين بقوا كتير تحت لواء التمدين والتقدم والعجة وشويه كلام كتير
بقت موضة
واللى يبعد عنها رجعى
بعيد عنك تخلف وسصطحية
ربنا يسطرها علينا
تحياتى
اللهم انا نسالك العفاف والتقى
شعرت بحرقة فى الموضوع
ربنا يصلح حالك
وحالنا
جزاكم الله خيرااا
سهر الليالي
آمين
جزاكي الله خيرا
SASATIFA
هههههههههههههه
حاضر ياعم هبقي ستايل ومودرن
نورتني
TAMER NABIL
موضة
ياريتها موضة وتخلص ياعم تامر
ده داء ملوش دواء
تحياتي
SHAIMAA SAMIR
آمين
ربنا يعافينا
تحياتي لحضرتك
هي كده بالظبط
ماتت فينا النخوة
والرجوله
الايمان راح
فين الناس دي من الدين ومن ربنا
يااااه جوايا دلوقتي كلام كتير اوى
احنا بنتغرب
بننسلخ من هويتنا
اف عليك انت محبكها ليه كدا
اف بجد
ياي وماله لما البنات تكلم ميدو والولاد يكلمو لواحظ في التليفون
اصل بجد الشباب بدل بقي اسمه ميدو يبقي لازم اسامي البنات تتغير مش معقوله هتضفل دلع هيا كمان والا هيبقكم متشبهين بالرجال
المهم انت متناقض ليه ..انت مش مسمي مدونتك افاق الحريه فين بقي الحريه الي بتتكلم عنها
الناس ياعم الي جاي من التاريخ بقم في القرن é& يعني كل حاجه فري يعني خلاص مابقاش في فرق بين الولد والبنت كلها صداقه
طيب والله مالمصيبه في كدا المصيبه بحق الصداقه بين الي عاملين نفسهم متديين ومسمينها اخوه في الله .ههههه ديت بقي المصيبه
وفي نقطه مهمه اساسا انت ظالم ابوها عارف ان ممكن يكون فاكر ميدو ده بنت اصل علي ايام اباهتنا كان الرجاله بشنبات وما ينفعش ابدا يكون اسمه ميدو مش زي الايام ديت ببناطيل شويه وهــ........ واسماء اشبه باسماء الحريم يعني الراجل مظلوم ممكن بجد فاكر ميدو بنت
علي العموم في موضوع عن الحب وآلام العشق في مدونتي هو طويل حبيتين بس ياريت تقراه من اوله ...مش من اخره
احسن تبوظ الحكايه
:D
شرفت بزياه مدونتك وياريت ماتحرمنيش من تشريفك ليا
دمت في خير
الباحث عن الحقيقة
اخر حاجة بيفكروا فيها دلوقتي للاسف هو الدين
هو ده شبابنا
ربنا يهدينا ويهديهم
تحياتي
قلمي
اسمها ميدو
ليه بنت بتستهبل يعني ولا ايه
ههههههههههه
ده تبقي صداقة منيلة بنيلة
جزاكم الله خيرا
شكرا لتشريفك
ان شاء الله هتلاقيني عندك دلوقتي
اااااااااااااه
الموضوع دا شاغلنى جدا الفتره دى
البنات لم يعد لديهم حياء
والاباء لم يعد لديمهم نخوه
لسه النهارده اخى بيحكى لى على موقف حدث امامه
ان فتاه نزلت من البيت لابسه جيبه قصيره وضيقه فعاكسها واحد واقف تحت بيتها
قامت مامتها قعدت تزعق له وتقوله دى جارتك وبنت حتتك ولازم تحافظ عليها
رد واحد تانى
وقالها
لو خايفه عليها متنزليهاش كدا
====
قلت سبحان الله
يعنى سيباها نازله كدا وكمان بتتكلم
---------
الفتره دى بقيت بشوف البنات ابقى نفسى اضربهم
والله صدقا
ايه اللى لابسينه ده؟
ماشيه ماسكه فى ايد الولد بطريقه متنفعش خالص
والله انا اتكسف امشى كدا مع زوجى فى الشارع
-----
هقول زى ما اخونا خبيب قال
اولادنا امانه
العلاقة بين البنات و البنين
معقدة نوعا
وهى مشكلة إجتماعية قبل أن تكون اى شئ أخر
ولد يعلم أنه لن يتزوح قبل سن الثلاثين
وو في الجامعه و معه بنات "فاضية"
..........ممم
في غياب التربية و الدين
هذا وقت مناسب لعمل كل شئ
في وجود تربية جيده و غياب الدين جزئيا
هذا وقت للتسلية إلى أن تنتهى سنوات الجامعه
صانعة الحرية
والله حضرتك عندك حق
هي فعلا الغلطانة انها تترك بنتها بالمنظر ده
ويرجعوا يلوموا الشباب
!!!!!!!!
طيب ازاي
تحياتي
المسكشف/احمد محسن
اولا احييك علي التحليل الجميل والرائع ده
هي فعلا ده الحقيقة يعني حتي في وجود التربية والدين جزئيا يوجد ايضا مشكلة
نورتني وارجو تكرار الزيارة ان شاء الله
جزاكم الله خيرا
تحياتي
希望大家都會非常非常幸福~
「朵朵小語‧優美的眷戀在這個世界上，最重要的一件事，就是好好愛自己。好好愛自己，你的眼睛才能看見天空的美麗，耳朵才能聽見山水的清音。好好愛自己，你才能體會所有美好的東西，所有的文字與音符才能像清泉一樣注入你的心靈。好好愛自己，你才有愛人的能力，也才有讓別人愛上你的魅力。而愛自己的第一步，就是切斷讓自己覺得黏膩的過去，以無沾無滯的輕快心情，大步走向前去。愛自己的第二步，則是隨時保持孩子般的好奇，願意接受未知的指引；也隨時可以拋卻不再需要的行囊，一路雲淡風輕。親愛的，你是天地之間獨一無二的旅人，在陽光與月光的交替之中瀟灑獨行.............................................................................................................有時，你覺得痛。胃痛的時候，接受它，承認這個疼痛是你的身體的一部份，與它和平共處。心痛的時候，接受它，承認這個經驗是你的生命的一部份，與它和平共處。抗拒痛的存在，只會讓它更要證明它的存在，於是你就更痛。所以，.無論你有多麼不喜歡痛的感覺，還是要接納這個痛的事實。與你的痛站在同一邊，不逃避，不閃躲，不再與你的痛爭執，如此，你的痛才會漸漸不再胡鬧，才會乖乖平息下去。.................心願-你許下了一個心願，你閉上眼睛，在冥想之中把這個心願交託宙給宇整個讓宇宙推動它全部的力.量去執行.，你看見星球與星球的引力牽繫著彼此，你聽見虛空與虛空.唱裡著和妙美的聲音，為了你的心願，整個宇宙正在相互傳遞，然後你放下了心願，不僅是放下，最好你還把你的心願忘記，唯有如此，它才能脫離你，發展它自己，
當它在宇宙的遊歷結束之後，它自然會來到你身邊，以你曾經希望的方式回應你，許下，只是讓它發生，放下，才是讓它實現，你的心願使你懂得不能執著的奧秘
Post a Comment