آفاق الحرية

قدسنا الاسير

2008-07-06T05:02:00.001-07:00

اعتذر كثيرا عن تأخري في هذا البوست بس صدقا بسبب انشغالي الشديد

بالأمس القريب سأل عمر بن الخطاب سؤالا لفرسانه ان تمنوا فتمني البعض كنزا لينفقه وتمني آخر ذهبا لينفقه

فقالوا تمني انت يا أمير المؤمنين فقال اتمني ملأ هذا البيت فرسانا كأبي عبيدة

عذرا ياقدسنا الأسير

فليس مناولا بيننا ما تمناه الامير

وليس في الساحات من يغار ويعلن النفير

ولا حتي من يدعي صلاحا الي الاقصي يسير

عفوا لاتظن ان ما قلته ادعاءا وتبريرا

أأ

اصعب ما في الحياة

2008-06-21T01:14:00.000-07:00

اعجبتني كثيرا كلمات اخ لي احترمه واوقره , حينها كنت جالسا معه ينصحني وهو يكبرني بعشرين عاما

وكنا نتحدث عن الاخوة في الله و قد تذكرنا استاذنا الدكتور محمد علي بشر

فذكر لي انه ذهب احد اخواننا الي الدكتور شاكيا اليه سوء معاملة بعض من اخوانه له

وانه لم يعد قادرا علي هذا الظلم و انه لولا علاقة الاخوة التي تجمعهم لكان قد رد علي هذا الظلم ردا قاسيا ولكنه مازال متمسكا بهذه الاخوة

فرد عليه استاذنا الدكتور برد اعتبره وجيزا مفصلا سهلا ومنيعا

وجه اليه سؤالا فقال لو انك اعتقلت او تعرضت لتعذيب او صادرت اجهزة الامن اموالك او ليس هذا بظلم او ليست هذه بقسوة

فقال بلي ولكنه ابتلاء من الله عزوجل

فقال وخذا ايضا ابتلاء من الله عزوجل فلماذا اذن نصبر علي ظلم الآخرين ولا نصبر علي ظلم وقسوة اخواننا علينا؟

عندما تعجز القلوب

2008-06-14T04:04:00.000-07:00

عندما تعجز القلوب عن حب الآخرين

عندما تذبل القلوب وتفسد ولم يعد لها فائدة غير الحقد علي الاخرين

عندما لم نعد قادرين علي التقرب من الاخرين الا للمصلحة ولم يعد هدفنا الا المنفعة

عندما نسينا الاخوة في الله والحب في الله

لماذا اصبحنا نعيش في غابة كل انسان ليس له هدف الا اخذ ما في يد غيره

عجزت قلوبنا عن العيش في حب واخوة فيما بيننا فلماذا ننتظر العيش في سلام واطمئنان وحب

اخواني هذه دعوة الي الرجوع لنهج رسول الله صلي الله عليه وسلم

دعوة الي الرجوع لنهج السلف الصالح

ارجع الي اخوك في الله وقل له اني احبك في الله

فليس لنا الا الله

دعواتكم

كتبت هذا البوست بالعربية الفصحي تضامنا مع اخواني في حملة (لغتي هويتي)

إديها حرية

2008-06-08T09:36:00.000-07:00

إخواني الاعزاء جاءنا الخبر التالي:

قرار رئيس الجمهورية رقم (1): اقالة حكومة احمد نظيف وتشكيل حكومة وطنية تشترك فيها الاحزاب والقوي السياسية وتوزع الحقائب الوزارية بنسب تمثيلها بالبرلمان

قرار رئيس الجمهورية رقم (2): حل البرلمان المصري بعد ثبات بطلان نتيجة اغلبية اعضائه والاسراع في اجراء انتخابات عادلة .....وبلاش كلمة نزيهة علشان بتفكرني بالزمن اللي فات

قرار رئيس الجمهورية رقم (3): الافراج عن كل المعتقلين السياسيين في كل سجون القطر المصري شاملة المحكوم عليهم بمحاكمات عسكرية

قرار رئيس الجمهورية رقم (4): اجبار كل المزارعين بزراعة نصف المساحة المملوكة لهم بالقمح لتحقيق الاكتفاء الذاتي من القمح وشراء القمح منهم بالسعر العالمي

قرار رئيس الجمهورية رقم (5): توزيع القمح علي الشعب الغلبان المسكين

قرار رئيس الجمهورية رقم(6): وقف مسلسل الاهمال الحكومي من رشوة وفساد واستبداد طال وعاني منه الشعب طوال اكثر من 27 عاما من الظلم والاستبداد وتعويض المتضرر

قرار رئيس الجمهورية رقم(7): القبض علي كل سارق ومستولي علي اموال الشعب وارجاع الاموال وايداعها في خزانة الدولة

قرار رئيس الجمهورية رقم(8): القبض علي صاحب العبارة والمتسبب في قتل اكثر من 1033 مواطن من ابناء هذا الشعب

قرار رئيس الجمهورية رقم(9): رفع الاجور بما يتناسب مع الزيادة العالمية مهما كلفت خزانة الدولة

قرار رئيس الجمهورية رقم (10): فرض الزكاة علي كل افراد الشعب القادر منهم والمستطيع

نفسي احلامي وامنياتي ده تتحقق ...يحصل ايه يعني لو رئيس دولتنا المبجل تقرب من شعبه وحققله امنياته

ونفسي اعرف ليه كل مسؤول في الحكومة الفقرانه ده بيحسسنا انه بيصرف علينا من جيبه بلاش اقول حاجة تانية وكأنها عزبة(تييييييييييت) بلاش برده اكمل

وما زال القلب ينبض

2008-06-05T10:16:00.000-07:00

وما زال القلب ينبض

يااااااااااااااااااه

فعلا كنت متوفي في عالم لايقبل الا بمن يستحقون هذه الصحبة الطيبة

لكني كنت احيا في عالم من الصعب وصفه فهو اقل ما يطلق عليه عالم الاحزان والشكوك

ههههههههههههههههه

الاحزان علي اللي بيحصل فيه من غم الامتحانات وقرفها

وشكوك في اساتذة كل مادة لانك بتقعد طول الليل تقول ياتري ياهل تري هيعملوا فينا ايه بكرة

ده غير بقي الكوابيس والاحلام كل يوم والتاني

بصدق والله ياجماعة مكنتش بعرف انام

كل ما انام اتفزع رعبا من المادة اللي همتحنها

ههههههههههههه

الاكبر من كده اني اتفاجأت اني مش لوحدي وطلع كل زملائي كده

بس الحمد ادينا لسه عايشين واخدنا اجازة خلاص من العالم اللي كنت بحكي لكم عليه ده

وطبعا مش عايز اكرر اسمه كل شوية لاننا طبعا في اجازة

وعلشان كده انا لما رجعت الحمد لله قررت اني اتكلم في موضوع اللي ميتسماش ده وبرده مش هقول الاسم exams

انا بس عايز اقول انه الامتحانات عبارة عن حقن الطالب بياخدها في فترة الامتحانات وطبعا الحقنة لاما تبقي حنينة لاما تبقي تقيلة اوي

ومش عايز اقول ان مفيش حقن خفيفة

لكن اللي بقيت اقعد كتير افكر فيه هو ليه استاذ دكتور محترم ..ربنا يجعل كلامي خفيف عليهم..بيحاول دايما يحط الامتحان صعب او زي ما بنقول بيعجز الطلبة

بتعجب فعلا لما الاقي دكتور بيعند مع الطلبة ويحط الامتحان صعب وكمان بيكون سعيد بكده

حاجة فعلا بتخليني نفسي اقوم اخلص عليه واخلص انا كمان

ههههههههههههههههه

نفسي اروح لواحد منهم اقوله ياعم الحاج ارحم نفسك وارحمنا واتقي الله انت كده كده مش خسران حاجة لكن الطالب هو اللي خسران

ولا ايه؟؟؟

يلا الحمد لله انها عدت علي خير

كلمات

2008-05-16T21:13:00.000-07:00

اسمي معاني العدالة هي عدالة الضمير

اذا لم يكن لك رأي فستكون ضحية لأي رأي

الموت أول المخاوف وآخرها

اخص علي المعلم الهزء الطيشة ..لما يُعُد علي القهوة ويمسك الشيشة

أجهل الناس من ترك يقين ما عنده لظن ماعند الناس

إذا اشتد الكرب هان

رب أمر سر آخره..بعد ما ساء ت أوائله

لا تبيع هيبة الصمت بالرخيص من الكلام

الدنيا ياغالب يا مغلوب ..فيها اللي عايز يبقي غالب ..وفيها اللي يرضي يبقي مغلوب

وللاسف كلنا عايزين نبقي مغلوبين

اخيرا فانا اعتذرلكم عن عدم متابعة عالم التدوين فترة من الزمن ليست بالكبيرة

لكنها بالنسبة لي كبيرة جدا

وده والله ياجماعة غصب عني وانتوا عارفين بقي الامتحانات وقرفها

لكن هنقول ايه حسبنا الله ونعم الوكيل في نظام التعليم الفاشل اللي يخلي الطلبة يمتحنوا في اخر السنة

يلا كل سنة وحضراتكم طيبين

ان شاء الله ألقاكم يوم 6/4 باذن الله

ودعواتكم بقي ياجماعة انا اخوكم الصغير برده

عودا حميدا

2008-05-07T06:33:00.000-07:00

عاد بحمد الله الوالد الكريم امس الثلاثاء في تمام الساعة العاشرة مساءا

صباحا كان الوالد عنده عرض وكان الوضع ميطمنش خاصة انه كان فيه عرض برده للمعتقلين علي اثر احداث المحلة

وكان المجمع كله مقلوب وممنوع حتي اننا نسلم عليه او نقعد معاه

لكن الحمد لله صدر القرار بالافراج من سرايا النيابة

وطبعا بعد شوية اجراءات غبية ملهاش لازمة اترحل علي السجن وبعدين اترحل علي مكتب امن الدولة في المحلة الساعة الرابعة عصرا والحمد لله دخل البيت الساعة العاشرة مساءا

طبعا فترة الاعتقال دامت لمدة شهرين ونصف

ومازال في سجن طنطا 8 من الاخوان

ربنا يأجرهم ان شاء الله ويجعله في ميزان حسناتهم

رسالة من قصر الرئاسة

2008-05-03T08:00:00.001-07:00

بمناسبة علاوة سيادة الرئيس والمكافآت اللي عماله ترف علي الشعب كله

بمناسبة علاوة ال 30% اللي لسه الواحد مننا محتار والله يعمل بها ولا ايه وعلي رأي واحد بيقول 145 جنيه هعمل بهم ايه ولا ايه

ده رسالة السيد الرئيس....رئيس الجمهورية

ياشعبي ياحبيبي ياروحي يابيبي ياحطك في جيبي يابن الحلال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدروخ وآخر انسطال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

هبهدل جنابك واذل اللي جابك وهيكون عذابك دا فوق الاحتمال

هتقبل هحبك هترفض هلبك هتطلع هتنزل هجيبلك جمال

ماتت فينا النخوة

2008-04-26T06:31:00.000-07:00

ماتت فينا النخوة

والحقيقة ان النخوة المقصودة هي نخوة العربي تجاه اهله وذويه

نخوته تجاه شرفه وكرامته

اصبحت الامور الان في علاقات البنات والاولاد عادية جدا وايه يعني لما اخرج مع زميلتي وايه يعني لما اكلمها في التليفون

وايه يعني لما نقعد مع بعض في اي مكان لوحدنا

ياعم ده مجرد تسلية

طيب وانتي برده مجرد تسلية ...يعني مش خايفة علي مستقبلك وسمعتك ..ولا برده الموضوع بقي عادي

انا لما كتبت البوست ده مكنتش اقصد البنت والولد ولكن قصدت الاصل ..المنبع ..المصدر

للاسف كنت اقصد الاب..الام..الاسرة

كنت بتكلم مع واحد من زملائي في الكلية

والحقيقة بدأ يحكي لي قصة كانت سببا في كتابة البوست ده خاصة بعد طلب اخي محمد صاحب مدونة صيد الخاطر نشره

كان بيحكي انه فيه بنت يعرفها وبيقابلها وكمان بيكلمها في التليفون وكانت مجرد تسلية

وكانت البنت هي دايما اللي بتتصل بيه حتي ان والدها دخل عليها مرة وهي بتكلمه فسألها بتكلمي مين فكانت الكارثة انها ردت عليه بكل سهولة انها بتكلم ميدو...

ههههههههههه

افتكرت ساعتها احمد حلمي ونور لما قالتله يابني متقلقش باباه لارج فقالها ياشيخة قلتله ان الفوطة مش بتاعتي

هههههههههههه

يانهار ابيض يعني الاب اصبح كل همه انه يعرف مين بس اللي بيكلمها

يعني لو كان اللي بيكلمها ابراهيم مينفعش ويبقي غلط ولا هو لازم يكون ميدو

هو اصلا ميعرفقش ميدو مين

لاحول ولا قوة الا بالله العلي العظيم

واحد تاني اتصل برده بواحدة فأخوها اللي رد عليه فبيقله فلانة موجودة فرد عليه بعنف فقال خلاص هتهزأ دلوقتي وهتبقي ليلتي بيضه

فرد عليه قاله اقولها مين؟

يعني برده المشكلة في الاسم مش في صلب الموضوع

هو ياجماعة الموضوع بقي سهل اوي كده

بقينا بنتساهل اوي كده ولا الموضوع معدش يفرق مع الآباء واصبح الآباء كلهم لارج

ده كده احنا بقينا 6 اكس لارج مش لارج

ياجماعة حرام اللي بيحصل ده

مش كل حاجة بتحصل نجيب السبب علي ايمان الاولاد وعدم تمسكهم بدينهم ولو ان ده الاصل والسبب الاول والاكبر لكن التربية والتنشأة بتلعب دور كبير جدا

ايضا متابعة الآباء لاولادهم والاهتمام بهم ومسائلتهم لها دور كبير جدا

لكن ياجماعة اللي بيحصل في الجامعات الان لايرضي الله عزوجل

ولا خلاص معدتش تفرق بالنسبة لنا

ارجع واقول انه فعلا ماتت فينا النخوة!!!!

اجدادنا

2008-04-18T06:33:00.000-07:00

يمكن لاننا من مواليد قرن الاختراعات والاكتشافات القرن العشرين مش حاسين بالموضوع ده

ويمكن لاننا من مواليد اواخره

بس اكيد كنا هنحس بالمعاناة ده لو احنا مثلا مواليد 1930 ولا 1920

انا الحقيقة بتكلم عن مدي فهم اجدادنا لاختراعات اليوم

مش عارف بيبقي نفسي اعرف شعورهم لما يشوفوا اختراع جديد

يعني اليوم اللي اخترعوا فيه الموبايل ولا العربية ولا الطيارة بيبقي ايه شعورهم لما يشوفوا الحاجات ده

لحد دلوقتي ستي كل ما تحتاج حد من اعمامي تقولي اتصل بهم علي البتاع ده اللي هما شايلينه

واقعد اقولها يا ستي ده اسمه موبايل طب اسمه محمول لكن مفيش فايده

فعلا مش عارف !!!!

قلقان ليه ؟

2008-04-12T14:54:00.000-07:00

ياريت نجاوب من غير فزلكة
ياريت نتصارح وبدون تجمل
قولي
صارحني
جاوبني

قلقان ليه ؟

مجزرة المحلة

2008-04-07T03:20:00.000-07:00

اخواني اكتب اليكم اليوم وانا في اشد حالات الدهشة مما يحدث في مدينتي
مدينة المحلة من اجمل وكبر مدن مصر عامة فهي اكبر مدينة بعد القاهرة ولاسكندرية
هي اجمل مدينة علي الاقل في نظري
هي اكبر مدينة صناعية في جمهورية مصر العربية
اذن فمن المستفيد من كل ذلك
من الذي يخرب ومن الذي يضرب ومن الذي يقتل
ستندهشون عندما اجزم لكم ان اهل المحلة انفسهم وانا منهم لانعرف من الجاني
هل هم الامن لتشددهم وعنفهم
ام البلطجية المنحرفين
معروف عن المحلة باحتواء هؤلاء البلطجية منذ زمن بعيد فلماذا يقومون الآن بالتخريب والتدمير
ايا من كان السبب فانه قد نتج عنه مقتل طفل في الخامسة عشره من عمره
ايا من كان السبب فقد نتج عنه اصابة ما لايقل عن 70 من الاهالي وافراد الامن
لم نري اي من السؤولين المزعومين يتحركون لاحتواء الموقف او حتي يتواجدون في مواقع الاحداث ليروا بأنفسهم حجم النخريب والدمار الذي عم المدينة
لم نعد قادرين علي الخروج من المدينة للذهاب للكليات او الاعمال
واذا خرجنا فلن نضمن دخولنا للمدينة مرة اخري
اخواني والله اسألكم الدعاء بنية خالصة لكل أهالي المحلة
فليس لهم ذنب الا انهم يحبونها
دعواتكم

إضرابي

2008-04-06T09:17:00.000-07:00

اولا قبل ان اكتب اي كلمة في هذا الموضوع اود ان اوضح الي كل مواطن مسيحي يقرأهذه الكلمات أنها ليست موجهة للاساءة الي رمز من رموزهم والله أبدا ولكنها الغيرة علي الاسلام التي وجهتني الي الكتابة في هذا الموضوع

انا مش مضرب علشان ارتفاع الاسعار ولا مضرب علشان احنا مش لا قيين العيش
انا مش مضرب علشان ارتفاع اسعار الحديد ولا مضرب علشان خايف علي مستقبلي لاني كده ببساطة ممكن في يوم منلاقيش شغل لان المقاولين مش قادرين يكملوا
انا مش مضرب علشان ورق المرشحين لم يقبل ولا حتي لان الانتخابات هتتزور ده اذا كان فيه انتخابات اصلا
انا مش مضرب لاعتقال مئات الشرفاء يوميا وآخرهم كان امبارح
انا مش مضرب علشان القصيدة اللي محمد صاحب مدونة صيد الخاطر هجاني فيها بالرغم من اني عارضته في نشرها لكن ان شاء الله هعرف اخد حقي منه
ههههههههههههههه

لكن انا بكل أسف مضرب لسبب آخر
استحي ان اقوله لكم في بلد الأصل فيها ان الديانة هي الاسلام
من عادتي اني اشاهد كل يوم برنامج القاهرة اليوم واللي بيقدمه الاعلامي عمرو اديب
لكن امبارح لقيته بيقول خبر غريب شويتين

كان بيحكي ان البابا شنودة كان في زيارة للندن وفي اثناء مغادرته اجبرته الاجهزة الامنية علي المرور في جهاز كشف المعادن
طبعا القساوسة اللي كانوا معاه رفضوا
اولا لان البابا شخصية ليس في مصر فقط بل في العلم اجمع
ثانيا لان هيئة البابا ولبسه يمنعه من كده لانه ممكن تكون الملابس تحتوي علي معادن او عمته او العصا او او ...الخ
لكن كل ده عادي حتي الآن
اللي فاجأني فعلا هو طلب عمرو أديب
عارفين طلب ايه من الحكومة لرد الاعتبار للبابا شنودة
عمرو أديب طلب من الحكومة استدعاء السفير البريطاني للاحتجاج
ايضا طلب من الحكومة ارسال رسالة احتجاج شديدة اللهجة لوزارة الخارجية البريطانية
طلب من الحكومة ارسال رسالة تطالب الحكومة البريطانية بالاعتذار للبابا عما حدث

يعني ازاي تطلب من الحكومة استدعاء السفير البريطاني وهي لم تستدعي لسفير الاسرائيلي للاحتجاج علي قتل آلاف الفلسطينيين كل يوم وكل ليلة
لماذا لم نستدع سفير الولايات المتحدة للاحتجاج علي قتل الالاف من العراقيين المسلمين كل يوم
ازاي نطلب كده والحكومة لم ترسل رسالة احتجاج لسوء معاملة الدكتور يوسف القرضاوي ومنعه من دخول لندن للعلاج

الاكبر اننا كيف نستدعيه ولم نستدعي او نطرد سفير النمارك احتجاجا علي الاساءة لسيدنا رسول الله صلي الله عليه وسلم
بالله عليكم كيف ذلك
كيف نطلب ذلك من حكومة وحكاما لم ينتفضوا ولم يحركوا ساكنا للدفعا عن رسول الله صلي الله عليه وسلم
لكنهم سينتفضوا للدفاع عن البابا
فهل أصبح البابا شنودة اهم من رسول الله صلي الله عليه وسلم
ام لانه متوفي فلن تضره الاساءة كما قال شيخ الازهر
اخواني انتفضوا لنصرة دينكم ولا تعيروا دنياكم انتباها
ولا حول ولا قوة الا بالله

حالي وحالهم

2008-04-03T07:32:00.000-07:00

في أثناء زيارتي للوالد الكريم يوم الثلاثاء السابق راودني شعور غريب
بالرغم من أنه ليست أول مرة يراودني هذا الشعور لأنه راودني كثيرا في المرات السابقة خاصة عندما كان معتقلا في ليمان طرة يمكن لكبره او لاحتوائه علي جناة من جميع أنحاء الجمهورية
لكنه عندما راودني هذه المرة قررت أن أنقله لحضراتكم
عندما أدخل هذه الأماكن ربنا يعافيكم ويحميكم منها أحزن كثيرا لحال هؤلاء
أحزن كثير لوجود هؤلاء في هذا المكان
ولست أحزن علي حال الجناة فقط ولكن علي حال أهلهم وأولادهم وأسرهم
فعندما أنظر الي الأطفال المتواجدين أري في عيونهم نظرات الانكسار والحزن والأسي من الظروف التي وضعوا فيها ومن سؤال أفراد الشرطة عن تهم أبيهم فيجيبوا وهم في انكسار تام وحرج ليس له مثيل فمنهم من يجيب أنها مخدرت ومنهم من يجيب انها تأبيدة ومنهم من يجيب ربنا يعافيكم اعدام
بالرغم من ان الجناة من الممكن ان يكونوا ليسوا متهمين بتهم مسيئة لهم مثلا كقضية الشيك
لكنه حالهم فأولا وأخيرا هم جناة في حق المجتمع وفي حق أنفسهم وحق أولادهم
لكني نظرت الي حالي لأجد نفسي أسجد لله شكرا وأحمده لأني عندما قارنت نفسي بهم وجدت نفسي أدخل هذا المكان أو هذه الاماكن مرفوع الرأس شامخا لا أحرج لدخولها
فكل من في هذا المكان يحترمونا ويحترموا الاخوان كثيرا ويوقروهم ويلبوا لهم احتياجاتهم ولا يتأخرون عنهم
كل من في هذا المكان يعرف أن الاخوان ما جاءوا الي هذا المكان الا لأنهم أصحاب رأي وفكر
أصحاب قضية يدافعون عنها حتي آخر نفس يتنفسوه في هذه الدنيا
أصحاب فكر ينشروه ويوصلوه الي غيرهم لعله يكون المنقذ لهذه الامة
حتي لا يواسيني اخواني جزاهم الله خيرا فأنا لم أكتب هذا الكلام وأنا في حالة سيئة بالعكس لقد كنت سعيدا جدا عند كتابة هذا الموضوع
ولكن كما قلت هو شعور راودني فقررت أن أنقله لحضراتكم
وتحياتي

رسالة

2008-03-31T14:09:00.000-07:00

بفتح الايميل النهارده لقيت في وشي كده رسالة قلت افتحها

خير اللهم اجعله خيرلقيت واحد باعتلي رسالة وياعيني الهموم رايحة جاية فيها

صعب علي قلت اما اخد بخاطره واقراها

اخلص واجيب من الآخر واكتبهلكم

اللهم ارزق كل بنت بعريس هدية.. وارزق كل عريس بوظيفة وشقة وعربية ويكون جوازهم على الشريعة الإسلامية ، اللهم اضرب الحرامية بالحرامية ، اللهم اوقف نمو الجمهوريات اللي بتتحول إلى نظم ملكية ، اللهم نجح أي طالب في أي كلية حتى ولو كان في خدمه اجتماعيه اللهم ريحنا من الوقفه للعيش في الطابور ومن اكل الفراخ ام انفونزا الطيور قولو اميــــــــــــــــن

ده كان نص الرسالة

وانا والله بقول آمين من جوه جوه قلبي اللي خلاص معدش مستحمل اي حاجة

وهو الراجل ياعيني جمع كل حاجة في الرسالة

زواج واشتكي

وظيفة ومش لاقي

العربية واصبحت مشروع فاشل في بلد مفيهاش طرق اصلا

الحرامية مش راحمين وطبعا الحرامية هنا ضمير مستتر تقديره زي ماتفهمه الواحد برده لازم يلم نفسه مش هيبقي الواد وابوه كفاية ابوه

حتي الطلبة والامتحانات والدكاترة اللي مش راحمينا ولا حتي راحمين نفسهم

واللي زود الهم اكتر الاكل والفراخ

طيب ياعم سبلي حاجة اشتكي منها في المدونة

ارجع واقول حسبنا الله ونعم الوكيل

الممكن

2008-03-27T10:09:00.000-07:00

عندما اتأمل 3 شويات في حال وطني حبيبي وطني الاكبر احزن علي حاله وعلي اللي جراله
لا.لا...لسه ممتش الحمد لله بس اضطرينا نضحي بالام علشان الجنين يعيش

هو ده فعلا حال وطننا الحبيب
اجبرونا ان نضحي بكل شيء حتي كرامتنا وعزتنا وكبريائنا ونخوتنا لمجرد أملنا في

حياة ليس لنا امل الا الحياة
لا نطمع في رخاء ولا نطمع في سخاء
فهل اصبح قدرنا العيش في هذه الذلة ام نحن قدر حكامنا وولاة امورنا
اذا كانوا قدرنا فلنغيرهم اما اذا كنا قدرهم فرجاءا ان يصبروا علينا لأنهم لا يقدروا ان يغيرونا
هذا هو الممكن

الممكن ان نتغير ونغير حالنا

الممكن ان نتقدم ببلادنا لكن بعد تطورنا واحساسنا بالمسؤولية

الممكن ان نتكاتف لكن عندما نحب بعضنا

الممكن ان نحب بعضنا لكن لو بدون اي مصلحة لمجرد انه حب في الله

الممكن ان ننصر اخواننا في كل مكان محتل في هذه الارض لكن ببعض التضحية

الممكن ان ننصر رسولنا ونبينا لكنه ليس ممكنا بل اكيدا باذن الله

اخواني لم اكن اود ان اشعركم بهذه المعاناة ولكنها مترسخة في امتنا
لم اكن اعلم اننا سنصبر علي احوالنا بهذه الطريقة السخيفة
وتحياتي

ممكن بس ازاي

2008-03-24T09:56:00.001-07:00

ممكن بس ازاي؟؟؟

مجرد شعارات

2008-03-18T01:36:00.000-07:00

في احداث غزة الاخيرة من مذابح وقتل للشهداء والاطفال والابرياء والاحداث التي سبقتها الا وهي فتح المعبر امام اخواننا الفلسطينيين هل سألت نفسك لماذا لا تذهب الي غزة لتشارك اخواننا المجاهدين ونجاهد بأرواحنا
لماذا لا تذهب وتضحي بنفسك ومالك وحياتك
الم يكن ذلك مطلبا من مطالب الشعوب العربية والمسلمة من حكوماتهم
الم يكن ذلك مطلبا من مطالبنا التي طالما نادينا بها بل قمنا بالمظاهرات والوقفات من اجل السماح بذلك
ام هي مجرد كلمات نرددها مع الناس لكي نقول امام الله اننا طالبنا بذلك ولم تنفذ لنا حكوماتنا ذلك
بعد فتح معبر رفح هذه الفترة ووصول بعض اخواننا الي هناك من اجل الجهاد وبرغم التدابير الامنية لمنع ذلك الا انهم وصلوا وما منعهم الا اخواننا في حماس
ليس ذلك مهما ولكني بعدها جلست مع نفسي افكر لماذا لم تطاوعني نفسي للذهاب وهل عندما يحدث ذلك في بلدنا لا قدر الله هل سنفكر ايضا ام سنذهب مباشرة للجهاد وهل سنترك دنيانا وما وراءنا للتضحية بأرواحنا فداءا لله
ام اننا سنطمع في دار فانية ونبخل علي انفسنا بهذا الاجر العظيم وهذه المنزلة الجليلة
اخواني ما تحدثت في هذا الموضوع الا عندما وجدت نفسي اطمع في الدنيا ولا اقدر ان اضحي بنفسي في سبيل الله
فتذكرت حالي مع الله عزوجل وتذكرت آثامي وذنوبي ووجدت نفسي ضئيلا امام هؤلاء الشهداء
ووجدت نفسي لا يجب ان اقارن نفسي بهؤلاء العظماء
تذكرت انه ليس لي زاد في حياتي لينفعني في آخرتي وانه ليس لي ما يعينني لكي اجاهد
تذكرت قول الاستاذ مصطفي مشهور في كتابه من فقه الدعوة
وفي السيرة العطرة زاد
وفي العبادات زاد
وفي الصلاة زاد
وفي الصوم زاد
وفي الزكاة زاد
وفي الحج زاد
وفي قيام الليل زاد
وفي الذكر والدعاء زاد
وفي اتباع السنة زاد
وفي الجهاد في سبيل الله زاد
وفي الدعوة الي الله زاد
وفي الصحبة الصالحة زاد
وفي العمل الصالح زاد
فهل لي زاد لكي اتزود به ام انها مجرد عبادات نؤديها لكي نقنع انفسنا بأننا لسنا مقصرين في طاعاتنا لله

كلمة الي النظام

2008-03-09T10:08:00.000-07:00

حينما كنت اشاهد مسلسل تليفزيوني وجاءت مشاهد وفاة جمال عبد الناصر وأخد الرجال يهتفون باسم عبد الناصر والنساء يبكون
ومنهم من لم يصدق نبأ وفاته ومنهم من اعتزل الناس وزهد في الدنيا وتوقفت طموحاته لمجرد وفاته
كل ذلك لمجرد وفاة ذلك الرجل
ومنهم من فقد الامل في طرد المحتل من البلاد وقتها
فحينما شاهدت هذه المشاهد تحسرت في داخلي وبدأت افكر في بلاهة النظام الحالي وغباءه الشديد
لو ان هذا النظام كان قد تقرب من الشعب
لو انه حاول جديا ان يحب الشعب لكان افضل له الان
بالرغم من افاعيل عبد الناصر وبالرغم من وحشيته في التعامل مع الاخوان
بالرغم من اعتقال عشرات الالاف وبالرغم من تعذيب الالاف منهم
بالرغم من قتل واعدام المئات من الشهداء الذين كانوا لا ذنب لهم الا انهم دعاة الي الله عزوجل
الا ان ذلك لم يزحزح حبه في قلب الشعب المصري الغلبان ولم يحرك الشعب المصري ساكنا لكل هذه الاحداث
لانه فعلا الشعب لا يهتم الا بما يصيبه من نكبات وطالما ان هذه الاعتقالات وقتل الابرياء لم يصيبه فلا يهتم بها
لا اقول ذلك لكي اجرح في اشخاص ولكن لانها فعلا حقيقة واقعة في الشعب
وترجع بلاهة وغباء النظام الحالي الي انه لم يستفيد من خبرات الاخرين ممن سبقوه
فلو انه تقرب الي شعبه الحبيب بخفض الاسعار وتوفير السلع الاساسية وتوفير رغيف العيش اللي اصبح زي الحديد
لو ان النظام رفع الاجور ووفر مستوي معيشة يسع الجميع ويوفر حياة كريمة للجميع لكان افضل له من الان
فبالرغم من عدم وجود اعدام الان للاخوان او لا يوجد تعذيب داخل السجون ..طبعا مش زي زمان.. الا انه قد فاز النظام بغضب وسخط الشعب
لم يكسب النظام من طول هذه الاعوام التي قد وصلت الي 27 عاما الا كره الشعب له ومعاناة الشعب من طول فترة الظلم والا ستبداد
كلمتي الي النظام القائم
ارجوكم كونوا رحيمين بأناس ليس لهم امل في الحياةو ليس لهم طموح الا الحياة والسعادة براحة البال
ليس لهم رجاء في هذه الحياة الا ان يموتوا مستورين راضين سعداء
فكونوا بقدر من الحكمة والذكاء ولو انه انعدم مع اعتقال الاف الابرياء

المحليات بين الواقع والواقع

2008-03-05T05:55:00.000-08:00

ايه العنوان الجامد ده اللي انا شخصيا مش فاهمه
المهم سيبك من العنوان وخلينا في الموضوع
من كام يوم اعلن المرشد العام للاخوان دخول الاخوان ومشاركتهم في انتخابات المحليات بقول مشاركة مش مغالبة
المهم ..طبعا ده كان بعد حملة اعتقالات لمجموعة من الاخوان اعضاء المكاتب الادارية للجماعة
وكان برده بعد مجموعة من المفاوضات بين الجماعة والامن يعني متدخلوش الانتخابات ونطلع المتعقلين بتوعكم
طبعا الاخوان رفضوا المساومة وقرروا دخول الانتخابات
وبالفعل النهارده كان اول يوم تقديم اوراق المرشحين وبدأ الاخوان في تقديم اوراق ترشيحهم
لكن السؤال اللي بينطرح دلوقتي بشدة هل هيقدر الاخوان هيقدروا يفعلوا الشعب ويضمنوا اصواتهم زي انتخابات 2005 في مجلس الشعب
وهل الحكومة هتسمحلهم بكده
اولا انا لازم اقول كلمة حق ان دخول الاخوان في الانتخابات ده هيحل حاجات كتير جدا بالذات لو كسبوا يعني مثلا هيحل مشكلة رغيف العيش ولو جزئيا
برده هدف الاخوان مش زي ماالناس بيقولوا ان الاخوان محتاجين عضوية المجالس المحلية علشان انتخابات الرئاسة لان لازم يكون لهم عدد معين من اعضاء المجالس المحلية لكن كل هدف الاخوان في الانتخابات ده هو الخدمة العامة لانه عمر ما كانت السلطة هدف من اهداف الاخوان

الامر التاني واللي انا شخصيا اتوقعه ان مصير اخوان في الانتخابات مش هيفرق عن مجلس الشوري يعني طبعا هتتزور وده مفيهاش كلام بس طبعا ممكن يكون توغل الاخوان وسط الناس في المحليات هيبقي اكتر شوية من الشوري
بس طبعا انا اتوقع شخصيا ان الاخوان لن يفوزوا في هذه الجولة اطلاقا وده باين جدا من اسلوب الاعتقالات ومن اسلوب المساومات

لكن ارجع بقي لاهم نقطة في الموضوع كله وهو رد فعل الشارع المصري
لان الشارع هو اللي هيحرك نفسه يعني لو الناس مش عاوزة تتحرك محدش هيحركها
وانا اجزم من دلوقتي ان الشعب كله هيكبر دماغه ومحدش هيتحرك من بيته ويتبرع ويحن علي نفسه ويروح يحط صوته
لان الشعب ده عمره ما هيتحرك ابدا قلنا في الاول لما الموضوع يوصل للقمة العيش اكيد هيتحركوا
واهه الفساد وصل حتي للعيش والغلاء ومفيش حاجة اتغيرت
هي ده طبيعة الشعب المصري وعلي رأي الشاعر

وكم ذا بمصر من المضحكات........ ولكنه ضحك كالبكاء

الحرية لاسري الحرية

2008-02-27T03:59:00.000-08:00

تحديث

تم تكملة التحقيق اليوم مع الوالد وكالعادة كلها اسئلة لا تدل الا علي الغباء والبلاهة من هؤلاء

وبعد انتظار ما يقرب من ساعة وبعد تدخل المحامين صدر القرار من المحامي العام بحبسه 15 يوما الي ان يتم عرضه علي النيابة مرة اخري بعد 15 يوما من الان

وتم ترحيله اليوم الي سجن طنطا

ومتخافوش هو خبرة بسجن طنطا لانه اعتقل قبل كده فيه عام 2000

صحيت ليلة امبارح انا وافراد اسرتي علي صوت زي ما يكون خناقة وكنت بحسب نفسي بحلم ولا حاجة
لكن لما لقيت الصوت بيزيد قمت من النوم ولقيت بابا واقف علي الباب وبيفتح
كان فيه صوت علي الباب بينادي يا باشمهندس احمد لكن طبعا بصوت جهور جدا
والدي فتح الباب فاذا بمجموعة من الظباط والعساكر وامناء الشرطة
كانوا حوالي 25 عسكري امن مركزي و5امناء شرطة امن مركزي برده وكام مخبر امن دولة و5 ظباط 3 امن دولة و1 مباحث و1 امن مركزي
مشهد عادي خاصة ان العدد المرة دي بسيط بالمقارنة بالمرات السابقة لانه اخر مرة وكان والدي اعتقل من القاهرة في لقاء اللجنة السياسية للجماعة وبعتوا حملة للبيت للتفتيش كان حوالي 3 عربيات امن مركزي كبيرة وكام بوكس وحاصروا الشوارع كلها وممنوع اي حد من الناس يعدي من الشوارع ده
طبعا كان منظر مفزع جدا للعامة لانهم متعودوش علي كده لان حبايبنا كل مرة بييجوا في نصف الليل لكن المرة ده جم الساعة 4.15 عصرا
المهم اكتشفت انهم كسروا البوابة الخارجية للبيت علشان يدخلوا وطبعا ده علشان ميصحوناش من النوم مع ان والدي عمره ماكان يفكر انه يهرب او يختبيئ في اي مكان
لما الوالد فتحلهم اتكلم ظابط امن الدولة وقالوا يلا ياباشمهندس فقالوا طيب اتفضلوا علي ما اتوضأ والبس ورحب بهم وانتوا منورين والله وكده
بدأ الظابط ده يفتش ورقة ورقة طبعا زي عاداتهم اولا دخل حجرة الوالد وبدأ يفتش في الورق الخاص بيه مع انه كان اغلبه كان ورق كورس انجليزي كان الوالد بياخده اليومين دول
خلص ودخل بعد كده علي المكتبة ولما لقي المكتبة ماشاء الله كبيرة قالي بص يامحمد انا عايز اي حاجة عليها الشعار وده يدل علي سياسة التلفيق اللي بتجري في دمهم فقلتله المكتبة عندك دور علي انت عايزه
زهق ياعيني من المكتبة وكان ظابط تاني بدأ يدور في حجرتي الخاصة بي وبدأ بالمكتب وطبعا لقي فيه حاجات كتير من شغل اخواننا في الكلية وطبعا كلها مكتوب عليها جيل النصر وده اسم طلاب الاخوان في جامعة طنطا
وكل ما يلاقي اي حاجة مكتوب عليها جيل النصر يبصلي وآخر ما زهق سألني ده بتاعك يامحمد فطبعا بكل براءة قلتله لا ده حاجة بابا مهو مش هيبقي الواد وابوه كفاية واحد بس هههههههه وطبعا ده عامل الخبرة اللي المفروض يستخدم هنا وانا والحمد لله خبرة ولي باع طويل في المواقف ده هههههههه
بعد كده بدأ في ورق الدراسة والكتب الخاصة بدراستي وفرها ورقة ورقة
ومن المواقف اللي بتدل علي غلب وذلة ومهانة عساكر الامن المركزي انه كان فيه مجلد بس نسختين فقالي اكراما مني هسيبلك نسخة واخد نسخة اصل هيبقي شكلها حلو في المكتبة بتاعتي فطلع نسختك وهاتلي نسختي
فطبعا قلتله لا طلعها انت هو انت عايزني اديلك الكتب بايدي كمان
فقال هاتلي يابني مجند من عندك (مجند يعني عسكري) فلما جه قال لا مش ده هات واحد بيعرف يقرأ هات امين شرطة والعسكري من دول تبص في عينه تشعر بالجهل الشديد والبلاهة
بدأ ظابط تاني يفتش المكتبة مرة تانية وكمان اصر علي تفتيش حجرة مهند رابعة ابتدائي وهو كان نايم وبابا قاله مفيش داعي اننا نزعجه لكن هو صمم وهنا طبعا بابا بدأ يزعق :هو فيه ايه انت مش لسه مفتشها دلوقتي ولا انتوا بتدوروا علي مخدرات ولا حاجة بس الحق علي اسر الاخوان انهم بيتعاملوا معاكم باحترام وانتوا ملكمش الاحترام وبدأ بابا يوجه كلامه لينا وقال اثبتوا ياولاد واوعوا تتهزوا وادعوا علي الظلمة وان شاء الله ربنا هيردهلهم في اولادهم وزوجاتهم واهلهم
وهنا بدأ الظابط يخلص ويلم الكتب والورق اللي جمعه وبدأيتحرك الي العربيات تحت البيت
وان شاء الله فيه عرض اليوم امام النيابة المسائية الساعة 8

السيرة الذاتية للوالد

احمد احمد العجيزي
مواليد 2/12/1954 -المحلة الكبري
بكارليوس هندسة زراعية عام 1979
ماجستير اقتصاديات وتسويق من معهد التخطيط 1994
اكيد طبعا متزوج وله ثلاث اولاد انا اشرف اني اكبرهم ومعتصم ومهند
العمل في المنطقة الاحصائية في المحلة الكبري وهي هيئة بحثية تابعة لوزارة الزراعة
مرشح الاخوان المسلمين في مجلس الشعب 1995
اعتقل للمرة الاولي عام 2000 لمنعه من خوض الانتخابات التشريعية
عام 2005 كن عام دراماتيكي لانه اقتحموا فيه البيت 3 مرات منهم مرتين في ليلة واحدة لكن الوالد لم يكن موجودا والمرة الرابعة كانت في مقر العمل وكان متواجد ولكن هرب من شباك العمل بمساعدة زملائه
مرشح الاخوان المسلمين 2005 ايضا في مجلس الشعب ولكنه تنازل ليكتفي الاخوان بمقعد للعما في الدائرة
اعتقل للمرة الثانية عام 2006 في القاهرة كما سبق ان ذكرت
والله لن اسألكم الا صالح دعائكم واخلص دعواتكم في سجودكم وقنوتكم وقيامكم
وادعوا الله ان يجعله في ميزان حسناته وان يأجر اهله وزروجته واولاده ووالدته ان شاء الله
وحسبنا الله ونعم الوكيل

تضامنا مع الشباب

2008-02-23T11:58:00.000-08:00

ترددت كثيرا قبل ان اكتب في هذا الموضوع
يمكن لحساسية هذا الموضوع بين الشباب و البنات
الحقيقة انا قررت اني اعترض اخيرا واعمل اعتصام مفتوح مع الشباب اللي ياعيني خلاص معدوش قادرين
ياجماعة انا هتكلم عن لبس البنات في مجتمعنا العربي وخصوصا مصر
وده لانه مش كل المجتمعات العربية تعاني من المشكلة ده
في السعودية مثلا بغض النظر عن الاخلاقيات لكن سمت الزي الاسلامي النسائي جيد جدا
لكن في مجتمعات اخري مثل لبنان وغيرها اصبح اللبس غير عادي
وانا الحقيقة هتكلم عن مصر وعن بنات مصر اللي معذبين الشباب
بصراحة انا ترددت كثير كما ذكرت لكن بعد عدة مناسبات وحكايات وحواديت من الزملاء قررت اني اشجب وادين كل بنت سمحت لنفسها انها تخرج من البيت بالمنظر الفظ ده
مناظر اصبحنا نراها كأنها الواقع المأمول من البنات
وأصبحت المحجبة الملتزمة هي الغير العادية واللي مش طبيعية وقفل ..يعني زي مابيقولوا شباب الجامعة
ياجماعة فعلا بيحصل كوارث في الجامعات والكليات المصرية طبعا مش كل حاجة بسبب البنات ولبسهم
لا يعني منقدرش نقول كده لكن لها أثر كبير في نفوس الشباب وطبعا قلوبهم ههههه
يعني فيها ايه لو البنت خرجت من بيتها محترمة نفسها وريحتني من الكتابة وريحت التاس وريحت نفسها
لكن ازاي مينفعش
انا طبعا مش عايز اذكر انواع اللبس والالوان اللي اصبحت الوان والوان ..كتير ..فيه الوان والله عمري ماشفتها قبل كده لكن بدات اكتشفا اليومين دول
تقريبا كل ييوم بكتشف اما موديل جديد او لون جديد
طبعا انا كل ده بتكلم عن البنات المسلمات
انا في يوم من الايام كنت ذاهب للكلية وكان قاعد امامي بنت وكان معي احد اصدقائي وفجأة لقيناها بتطلع من الشنطة كل انواع الماكياج اللي ممكن تتخيلها
واضح انها شنطة ساحر مش شنطة بنت وبدأت تمعجن وشها طبعا وش معجون ووش صنفرة واشتغلت الله ينور
اصل هي خلاص خرجت من البيت فمعدش حد بيراقبها وكأنها تحترم نفسها من اجل والدها او والدتها فقط لكن نسيت ان فيه ربنا .. غير طبعا اللي بتكون محجبة حتي تصل للكلية وتدخل اي حمام وتخرج واحدة تانية خالص
انسانة جديدة ..لا معلش قصدي شيطانة جديدة وحواديت كتيرة وكله موجود اي حدوته عايز تسمعها قولي وانا احكيهالك
لكن كله كوم والبنات المسيحيات كوم تاني
طبعا في اشهر العبادة عندنا زي رمضان وايام ذي الحجة تلاقي اخواتنا المسيحيات من كل حدب ينسلون اشكال والوان بكل ما تحبه شياطين الانس والجن
فيا جماعة بجد ارحموا الشباب ارحموا نفسكم من المحاسبة اما الله عزوجل لما تقابلوا وجه كريم هتتنيلوا تقولولوا ايه بس
مقدرش اقول غير ربنا يهدينا ويهديكم

happy valetine day

2008-02-14T13:45:00.000-08:00

وانا داخل الكلية النهارده اري الاحمر في كل مكان
انظر حولي اري وجوها جميلة وجديدة لم اعهد عليها من قبل
نظرت مرة اخري فأجد تقريبا كل من حولي من البنات الجميلات
وتفوح من الكلية روائح أكثر من رائعة
فلأول مرة اعرف ان رائحة كلية الهندسة جميلة جدا جدا
وكأن الخرسانة يفوح منها الياسمين والعنبر
وكأن الاسمنت تحول الي عطر
وكأن الرمل تحول الي قلوب حمراء يمسك بها هؤلاء الفتيات الحسناوات
اتكلم بمنتهي الصدق فالكل ذاهب الي الكلية اليوم ليس من اجل المحاضرات او السكاشن او لينكب علي العلم كبا او ينهل من العلم نهلا
ولكن لينهل من عيد الحب نهلا نهلا وينكب علي البنات كبا كبا
بدأت ادخل الي المحاضرة حتي لا اتأخر فأري المدرج مليئ بالهواء فقط فارغا من زملائي الطلاب
دخل استاذنا الدكتور ومازال المدرج فارغا لايحضره الا ربع الدفعة تقريبا
اما الباقون فطبعا وراءهم مسؤوليات وارتباطات
لايمنعهم البرد وأمطار الشتاء من الايفاء ميعادهم
ولو كانت صلاة الفجر او حتي الظهر لقالك الدنيا برد والدنيا بتشتي نصلي في البيت ان شاء الله
انتهينا من المحاضرة ومازال الربع هو الحاضر وكنا بعد الظهر
ذهبنا لنصلي ثم توجهت بالحديث الي زملائي ممن شاركوني الصلاة فقلت لهم هو فيه ايه النهارده
قالوا ياراجل هو انت متعرفش ؟؟؟؟؟؟؟
قلت لا!!! طبعا انا كنت بستعبط بس انا حبيت اعرف هل هما مهتمين وعارفين ولا الموضوع مش فارق معاهم
قالولي النهارده عيد الحب فاندهشت انهم عارفين وحافظين تاريخ اليوم14/2/2008
فواحد قالي هو انت مش شايف الهدايا وكل واحدة شايلة شنطة اللي مرسوم عليها قلب واللي مرسوم عليها دبدوب
وطبعا كله احمر في احمر حتي لبس البنات الوان في الوان الاحمر والاصفر والبمبي والذهبي وكتير مش هعرف اعد هعد ايه ولا ايه ماشاء الله شياكة مفيش بعد كده

الملاحظ في هذا الامرفعلا هو ان اللي بيجيب الهداي هو البنات فقط ولم اري اي ولد شايل هدية ابدااااا الهدايا تنوعت بين القلوب الحمراء والدباديب ايضا الحمراء والورود برده حمراء

المشكلة ان اللي حضروا المحاضرة هما كمان راحو بعد كده يقضوا الفالنتين خارج الكلية

نقلت لحضراتكم حال جامعات مصر كلها اليوم لكن هل ده اصبح حال شباب امتنا اليوم هل اصبح الشباب لايهتمون الا بكأس الامم الافريقية والبنات للأسف اقولها وانا شديد الثقة في كلامي ..........نعم

مبروك لمصر

2008-02-11T03:21:00.000-08:00

مبروك لمصر
مبروك لكل مصري شجع مصر فعلا بقلبه
مبروك لكل المصريين الفوز واهه حاجة نكسبها تعوضنا عن حاجات كتير وتفرج عننا همومنا واحزاننا
مبروك لابوتريكة اجمل هدف في البطولة
مبروك لعصام الحضري احسن حارس مرمي في البطولة
مبروك لحسني عبدربه احسن لاعب في البطولة
مبروك للمعلم حسن شحاته راعي الفرحة في قلوب المصريين
مبروك لللاعبين الرجال علي الاستبسال والفوز بجدارة
مبروك لجدو مبارك كأس البطولة وشكرا لاستقباله الابطال في المطار ولو انه كان كده كده مسفر الامارات لكن برده لازم اشكره واهنيه
مبروك لكل المصريين الفوز باللقب السادس والثاني علي التوالي
واخيرا عقبال المونديال ان شاء الله

مستقبل جماعة الاخوان المسلمين السياسي

2008-02-08T00:27:00.000-08:00

شغلني كثيرا مستقبل الجماعة السياسي في الفترة الحالية خاصة مع الدور البارز للجماعة في احداث غزة والوقوف بجانب هذا الشعب الجليل وهي ليست جديدة علي الاخوان فالقضية الفلسطينينة هي قضية الاخوان الرئيسية

ولذلك رجعت الي دراسة الدكتور عمرو الشوبكي والذي اعدها عن مستقبل الجماعة خاصة بعد حصول الجماعة علي 20%من مقاعد مجلس الشعب

والذي تساءل فيهاهل تتحول جماعة الإخوان إلى حزب سياسي؟ وهل يقبل الإخوان بالآخر لو كان شيوعيًّا أو ليبراليًّا دون استخدام المرجعية الإسلامية التي تستندون إليها ضد باقي الاتجاهات العلمانية، ودون النظر إلى مَن يخالفهم الرأي على أنهم مارقون مخالفون للإسلام؟ وهل يقبل الإخوان أن تمثل مرجعيتهم الإسلامية فهمَهم للدين وليس الدين نفسه؟!
هذه التساؤلات وغيرها كانت محل بحث الدكتور عمرو الشوبكي- الباحث في مركز الدراسات السياسية والإستراتيجية بالأهرام- والذي طرح من خلال أربعة سيناريوهات مستقبلَ جماعة الإخوان المسلمين في مصر.
يبدأ الباحث برفض تصور بناء مشروع ديمقراطي حقيقي دون امتلاك رؤية لدمج حركات الإسلام السياسي السلمي، وعلى رأسها جماعة الإخوان المسلمين في مصر، التي بات دمجها في الحياة العامة يعني عودةَ الروح لقُوى المجتمع والشارع السياسي- بما فيها الحزب الوطني الحاكم- التي ستحرص على أن تطوِّر من خطابها وأن تجنِّد أفضل العناصر السياسية لمواجهة الكادر الإخواني النشط في الشارع السياسي.
ترى الدراسة أن الإخوان استفادوا من تضمين برنامجهم أبعادًا أو أهدافًا سياسيةً في مواجهة ضربات النظام الاستباقية لهم، فبالرغم من وضع الجماعة الغامض والمثير للحيرة نتيجةً لسجب النظام الشرعيةَ منها إلا أنها تمكنت من الحصول على 88 مقعدًا في الانتخابات التشريعية الأخيرة، وأدارت معركةً انتخابيةً على قدرٍ كبيرٍ من الكفاءة والتنظيم، اتضحت فيها إمكاناتُ الجماعة السياسية المرتفعة، وتبدو مفارقة هذا الوضع أن تلك الجماعة التي يصرُّ النظام الحاكم على أن يسميَها محظورةً استطاعت أن تحصد 20% من أصوات الناخبين، أو ما معناه عشرة أضعاف ما حصلت عليه أحزاب المعارضة الثلاثة الممثلة في البرلمان (ستة مقاعد للوفد، مقعدان للتجمع، مقعد واحد لحزب الغد).
هذا النجاح دفع الباحث د. عمرو الشوبكي أن يطرح سؤالاً عن إمكانية أن يكتسح الإخوان الانتخابات في حال حصولهم على الشرعية، وذلك بالنظر إلى حجم الضغوط والملاحقات الأمنية التي صمَدت الجماعةُ أمامَها وحقَّقت نجاحًا ملموسًا، ويعلِّق الجواب على قدرة الإخوان على تبني خطاب سياسي جديد ومتطور، يُقنع المواطنين بحلول سياسية واجتماعية في برامج تفصيلية تبتعد عن العمومية والشعارات البرَّاقة.
ويعود الكاتب للتأكيد على أن ثنائية الدين- السياسي من أهم عوامل تماسك الجماعة وقوتها، ويقول عضو الإخوان لا ينشَط في المجال العام فقط من أجل الإصلاح السياسي والديمقراطي، وإنما أيضًا ابتغاء مرضات الله، وذهابه للاقتراع هو في الأساس عدم كتمان للشهادة، وكل خطوة في دعم مرشح الإخوان تقرِّبه إلى الله بحسنة.
حافظت جماعة الإخوان المسلمين على وجودها التنظيمي منذ تأسيسها عام 1928م، ونجحت طوال ما يقرب من ثمانية عقود في البقاء كحركة دعوية ذات طابع ديني، وكتنظيم سياسي واجتماعي، وهو ما أعطاها عوامل للقوة والتمايز مقارنةً بالقوى السياسية الأخرى وأحيانًا عوامل ضعف من وجهة نظر الباحث، إلا أنه يعود فيؤكد أن امتداد الجماعة عبر فتراتٍ تاريخيةٍ مختلفةٍ من مصر الملَكية ومصر الجمهورية بطبعاتها الثلاثة مكَّنها من امتلاك مرجعية فكرية وسياسية مرنة، سمحت لها أن تمتلك تصورًا شاملاً وعامًّا للإسلام يسمح للإخوان أن يكونوا سياسيين ودعاةً في نفس الوقت، وأن يكون بين قادتهم القاضي المحافظ حسن الهضيبي والمناضل سيد قطب.
وتضم بين صفوفها جيلاً من الخمسينيات الذي عاصر المحن وينزع لتغليب الخطاب الأخلاقي والتعميم في البرامج السياسية، وجيل السبعينيات الذي نشأ في حراك الجماعات السياسي، ثم جيل التسعينيات وهو الشباب الذي يضطلع اليوم بدور تنفيذي كان واضح التأثير في الانتخابات التشريعية الأخيرة (2005م) في انسجام غير معهود مع باقي القوى السياسية التي تشهد انقساماتٍ حادةً بين أجيالها المختلفة، وهو ما يعد دليلَ قوة وحيوية للجماعة.
في ضوء ما سبق يَطرح الباحث أربعة سيناريوهات لمستقبل جماعة الإخوان المسلمين

:السيناريو الأول: استمرار الوضع القائم
يقوم هذا السيناريو على بقاء الجماعة كما هي جماعة دعوية وسياسية تجنّد أعضاءَها وتعلمهم بعض الأفكار السياسية وتبقَى غيرَ مرخَّصٍ لها بالعمل القانوني، ويتوقع استمرار هذا السيناريو في ظل حكم الرئيس مبارك، وألا يحدث تغيير في طريقة تعامل النظام القائم مع الجماعة في اتجاه دمجها كحزب سياسي مدني يلتزم بالدستور والنظام الجمهوري وحقوق المواطنة.
وتظل الجماعة خارج إطار الشرعية القانونية؛ بحجة عدم دستورية تأسيس حزب سياسي على أساس ديني، وهو الأمر الذي رفضه الإخوان وأعلنوا أن حزبَهم المأمول لن يكون دينيًّا بل مدنيًّا، يستند إلى مرجعية إسلامية.
ويمضي في القول: سيبقى المدخل الأمني والإداري المدعوم بحملات التشويه والسب والقذف هو السلاح المشهَر في وجه الإخوان، وتؤكد الدراسة أن استمرار التعامل غير السياسي مع الجماعة أدى إلى تكريس جوٍّ غير صحِّي داخل الحياة السياسية المصرية.
السيناريو الثاني: الفوضى الخلاقة
مظاهرت احتجاجية ضد الحكومة المصرية
يقوم هذا السيناريو على أن تتجه الأوضاع في مصر نحو مزيدٍ من التدهور بصورةٍ تؤدي إلى انتشار حالة من الفوضى، خاصةً مع تصاعد الاحتجاجات العشوائية التي لا تقودها تيارات سياسية، وتعبر عن أزمة اجتماعية وسياسية عميقة داخل المجتمع، وفي هذا الإطار يطرح سيناريو يتعلَّق بإمكانية استغلال بعض القوى السياسية- وعلى رأسها الإخوان المسلمون- لحالة الفوضى المتصورة أو أن تساهم في خلقها من أجل انقضاضهم على السلطة.
غير أن الكاتب يَعتبر هذا السيناريو أضعف السيناريوهات الأربعة من حيث فرص التحقيق؛ ذلك لأن الإخوان بدايةً لا يسعَون بأي صورة من الصور إلى الانقضاض على السلطة، ولا يرغبون في التخلي عن مشروعهم المثالي الكامن داخل ثقافة الجماعة الدعوية ويحلم بعودة دولة الخلافة الإسلامية وتحرير فلسطين، ويضيف: أنه في حال وصولهم بطريق غير ديمقراطي إلى السلطة فهناك تخوفٌ من أن يضفي على حكمهم عصمةً وقدسيةً دينيةً خاصة؛ باعتبارهم يحكمون بما أنزل الله، وهو الخطر ذاته الذي يمكن أن يحدث أيضًا في حال ما وصل أي تيار سياسي آخر إلى السلطة بغير الطريق الديمقراطي.
السيناريو الثالث: تطعيم الوضع القائم بالفكر الجديد
ويقوم هذا السيناريو على إجراء دمج قانوني جزئي أو كلي لبعض تيارات الإسلام السياسي السلمية، ولكنه في ظل استمرار الجانب الأكبر من القيود المفروضة على العملية السياسية وفي ظل نفس القواعد (بعد تحسينها) التي وضعها الحزب الوطني الحاكم.
ويفترض هذا السيناريو إمكانيةَ أن يقبل النظام الحاكم بحزبٍ إسلاميٍّ غير إخواني، وهو ما يعني أن ملف حركات الإسلام السياسي قد تم فتحه، وبمزيد من التفاؤل ربما توافق حكومة الفكر الجديد على مجموعة من الأحزاب السياسة الإسلامية بغرض سحب بعض عناصر الإخوان إليها، حتى يتم إضعاف الأكبر سياسيًّا وتنظيميًّا.
لكنَّ التصور السابق يصطدم بافتقاد الساحة لحزب سياسي قوي يمكنه من مواجهة المد الإخواني في الأوساط الطلابية والنقابات وتحت قبة البرلمان، وبالتالي فمسألة دمج تيارات الإسلام السياسي السلمي في عملية التطور الديمقراطي ليست بالخيار السهل.
السيناريو الرابع: الدمج الكامل للإخوان المسلمين في عملية الإصلاح الديمقراطي
يظل هذا السيناريو هو النموذج المثالي للتطور الديمقراطي في مصر، أي سيناريو الانتقال المادي من نظام تسلطي إلى نظام ديمقراطي، بصورة متدرِّجة لا تخضع لأي أغراض سياسية، تهندس مسألة الإصلاح على مقاس لجنة السياسات ليصبح مجرد تغيير شكلي، ويتصور هذا السيناريو دمج الإخوان في عملية الإصلاح الديمقراطي بصورة كاملة
الرئيس حسني مبارك
وحدوث هذا السينارو يتطلب توافر مجموعة من الشروط، أولها يتعلق بطبيعة النظام القائم، فلا بد من إجراء إصلاحات سياسية حقيقية تتجاوز توازنات النظام الحالي وقدراته، ولا بد من الحديث عن دور نخبة جديدة من داخل الدولة، قادرة على أن تبدأ الإصلاح في مرحلة ما بعد الرئيس مبارك، إضافةً إلى ضرورة تواصل القوى الإصلاحية داخل الدولة مع بعض التيارات الشعبية من كل الاتجاهات السياسية.
وهناك شرطٌ يضعه الكاتب يتعلق بالإخوان المسلمين أنفسهم؛ إذ ستصبح مسألة الفصل بين الجماعة الدعوية والحزب السياسي شرطًا لقبول الجماعة كحزب سياسي شرعي يحترم مدنية النظام السياسي.
احببت ان اتناول اليوم مستقبل الجماعة السياسي فقط

ولكن مستقبلها الدعوي سأتناوله ان شاء الله لاحقا

يوم 25 يناير ...تمام يا فندم الامن مستتب

2008-01-25T00:55:00.000-08:00

في يوم 25 يناير احب اقول لكل شرطي في مصر المحروسة كل سنة وهو طيب بمناسبة عيد الشرطة ..هههههه
مش عارف علي ايه لكن ده الواجب ياجماعة لازم نهني ونبارك وجدو مبارك مش هيبقي احسن مني لما يروح يهني وانا اقعد ساكت كده ميصحش برده ولا ايه رايكم
المهم ان سعادة الريس زي عادته من اكتر من 26 سنة لازم يسمعنا صوته ويطمنا علي الحنجرة الكريمة بخطاب اسطوري وتهتم به قنوات العالم المصري مثل القناة الاولي العالمية والثانية الفضائية والثالثة الفرنسية وهكذا
وقدم الريس تهانيه الحارة لابنائه الرجال البواسل في هذا العيد الكريم
ووجه سعادة الرئيس اشادة مستحقة ..اه والله.. الي ابنائه من وزارة الداخلية
واشاد الرئيس بجمال الوزارة وحلاوتها وشياكتها ..هههههه
لا حقيقي اشاد سعادته بالتطورات اللي حدثت في الوزارة طبعا في عهده وعهد عمو العادلي
وتحدث ايضا في الانتهاكات التي تحدث في الاقسام ..طبعا مش بصراحة كده لكن علي المتغطي
فطبعا احنا عارفين ان الشرطة دول ملائكة معصومين من الاخطاء وسعادته محبش يغلط فيهم ويعترف بالانتهاكات علشان ميقعش في الاثم الشرعي العظيم ده
وواصل الرئيس كلامه قائلا بالنص.....اقول لمن ينصبون انفسهم اوصياء علي اوضاع حقوق الانسان في العالم اين كنتم حين ضربت الفوضي شعوبا عديدة ؟ كيف كان تحرككم عندما طالتكم يد الارهاب ؟واين انتم مما يتعرض له الشعب الفلسطيني من اعتداءات وحصار ومعاناة؟.....
وده طبعا في اشارة مبهمة الي تقرير البرلمان الاوروبي عن انتهاكات حقوق الانسان في مصر المحروسة
وزي الدستور ما قالت اليوم في عدد الجمعة كأن الرئيس يبرر انتهاك حقوق الانسان في مصر بأنها مشكلة عالمية وانه منتهكة في اسرائيل وفلسطين والعراق...وطبعا الكلام ده مش صحيح... لكن هو الكلام بفلوس وده طبعا جدو مبارك يعني محدش يقدر يقوله انت بتقول ايه غير ماما سوزان
وكأن الرئيس زي ما الدستور بيقول اشمعني احنا اللي بتتلككوا لنا
مرة تانية ياجماعة لازم كلنا نهني حبايبنا ظباط وظابطات مصر الاكفاء اللي ياعيني بيظبطوا الامن في مصرنا الحبيبةبالاعتقال والانتهاك للنفس والعرض والمال

ربنا يهدينا ويهديهم

زوار الفجر

2008-01-23T06:36:00.000-08:00

اخيرا خلصت امتحانات واخيرا خلص كابوس الامتحانات علي خير الحمد لله ودعواتكم في النتيجة بقي
والحقيقة انا جاي النهارده بخبر مش تمام
الحقيقة الخبر هو اعتقال عدد من الاخوان بالمحافظات ومنهم الغربية حيث قامت قوات حكومة أمن الطوارئ فجر اليوم الأربعاء 23/1 بحملة مداهمات واعتقالات فى محافظات مختلفة من مصر منها محافظات الجيزة والغربية وكفر الشيخ ، و استهدفت الحملة رموزًا جماهيرية و قيادات شعبية من الإخوان في مدن و أحياء متفرقة من المحافظات الثلاث ...
من محافظة الغربية :
د.طه أبو زيد باحث وأستاذ بمعهد البحوث الزراعية من السنطة

أ.رضا السقا سكرتير مكتب النائب على لبن من قطور

حازم الهمشري رجل أعمال من قطور

محمد مزروع وكيل مدرسة من قطور

عبد الله حامد مدرس ثانوى بكفر الزيات

فتحى العويضي مدير مكتب النائب حسنين الشورى من الدلجمون بكفر الزيات

اسامه طلعت طالب ( تم اعتقاله أمس

سامح شلبي طالب ( تم اعتقاله أمس

جمال خليف جواهرجى بالسنطة .

مصطفى الشاذلي واعظ من العتوة من قطور

وجدى حراز أخصائى اجتماعى من السنطة
.ماهر حماد مدير عام فى غزل المحلة
شملت قائمة المعتقلين من إخوان الجيزة حتى السابعة من صباح الأربعاء كلاً من :

. د.سعد زغلول أمين عام نقابة أطباء القاهرة

د. مجدي عبده أمين مساعد صندوق نقابه صيادلة مصر

. د. على بطيخ عضو مجلس نقابة أطباء الجيزة

م. سيد صالح مرشح الإخوان بانتخابات شورى 2007م

. محمد الفقي مرشح الإخوان بانتخابات شورى 2007م

. د. أحمد اسماعيل طبيب

. د. عزت صبري طبيب

. م. أنور شلتوت مهندس

. م. جمعة البدري مهندس

. أحمد عبد الوهاب رجل أعمال

. م.شكري هيبه مهندس

. د.حسام شندي طبيب
و أما محافظة كفر الشيخ فلم ترد سوى أخبار المداهمات للعديد من المنازل فيما لم نتعرف حتى الآن على العدد الحقيقي للاعتقالات على مستوى المحافظة ككل وما تم رصده كان في مدبنة بلطيم و ضواحيها حيث تم اعتقال رجل الأعمال محمد كامل شرف عضو جمعية رجال الأعمال و التاجر عبد الحميد محسن فيما تم مداهمة منزل أبو الوفا حجازي – صاحب شركة الوفاء – لكنه كان على سفر.
تأتى هذه الحملة فى ظل حملات اعتقال جديدة للإخوان جاء على رأسها محافظة الإسكندرية فى اليومين السابقين فى ظل

الفعاليات التى ينظمها الإخوان لنصرة قضية فلسطين وإخواننا وأهلنا المحاصرين بغزة
وحسبنا الله ونعم الوكيل

مذاكرة حتي الموت

2008-01-02T08:20:00.000-08:00

احب في البداية اقولكم اني بتحسر وانا بكتب البوست ده لان مبكرهش في حياتي اد الامتحانات وقرفها ..وده مش معناه اني فاشل لا سمح الله .. ابدا بس هما الطلبة كده مبنتقبلش موضوع الامتحانات ده تقيل علي قلبنا اوي

طبعا لاننا طول السنة بنستعبط وعاملين فيها فاضيين ونيجي اخر الترم نلاقي نفسنا بين نارين النار الاولي نار الامتحانات والتانية ....نار الامتحانات برده انتوا متوقعين اني هقولكم نار ايه يعني

علي العموم وعلشان اروح عني وعنكم شويتين انا هحطلكم حكاية من حكايات الباشا جامعاوي ...اه بس قبل مااسيبكم اوي تنسوا الدعاء لي ولطلبة المسلمين

طبعا الدعاء المعروف اللهم اغفر له وثبته عند السؤال

واسيبكم بقي مع جامعاوي

2700جامعاوي

أخذت أحاول أن أتمالك أعصابي بتلاوة بعض آيات القرآن وأنا جالس في لجنة الأمتحان عندما أنطلق صوت المراقب وهو يقول: كل واحد يطلع اللاب توب بتاعه ويحطه قدامه ..دلوقتي أنا هاوزع عليكم سيديهات الإجابة وبعدين هوزع عليكم سيديهات الأسئلة..كل واحد يكتب الباركود بتاعه على السيديهايه وهو بيسميها ومحدش يفتح سيديهات الأسئلة إلا لما أقول..أخذ يمر علينا يوزع سيديهات الأسئلة والأجابة وبعد قليل ..
-كل واحد يفتح سيدهاية الأسئلة ويقرا معايالأمتحان مكون من عشر فولدرات ..كل فولدر فيه سؤالين الفولدرات كلها إجباري زمن الإجابة 30 ثانية لكل فولدر..واللي هشوفه بيغش م اللي جنبه ولا مش باصص في شاشته هلغيله أمتحانه ..وحذاري أشوف حد فاتح بلوتوث ولا بيطلع برشامة ميموري ولا فلاشة من جيبه ساعتها والله لأكون مدبسله الميموري في اللاب توب وعامله محضر غش يتحرم فيه سنتين من الإمتحان.. تركت هذا الخنئ وبصيت في شاشتي وقعدت أقرا الأسئلة وأحاول أجاوب لكن كان من الواضح إن الأسئلة بتاعة مادة تانية مش علينا ..الكلام غريب أول مرة أشوفهوهنا ساد اللجنة هرج ومرج وسباب ولعان وتفحش وأصوات غريبة تنم عن الأستنكار وصيحات من عينة الموت للدكاترة وإسرائيل..ويادكتورنا صبرك صبرك بكره الطالب يحفر قبركولكن..

وفجأةً..ساد المكان صمت رهيب..لايقطعه سوى صوت أصطكاك أسنان الطلبة المرعوبين..ذلك عندما دخل علينا سعادة جناب سمو أمير القسم ورئيس جمهورية المادة الدكتور عبده المفترى ولابيهمني

ملحوظة:ولابيهمني اسم أبوه مش جده ذلك لأن اسمه مركب
المهم أخذ يدور حولنا وهو ينظر إلينا في شراسة وكأنه أسد هصور يوشك أن يفترس الأرانب المسكينة..والجميع في صمت رهيب ..يتخلله أصوات متقطعة مثل هبدة بنت أغمي عليها وهو بيمر من جنبها أو رائحة كريهة أنبعثت من طالب أصيب بمرض التبول اللاإرادي وهو بيبص في ورقة إجابته وهنا..وبعد أن تأكد تماماً من استسلام فريسته وإمتلائها بالرعب والخوف..عدل من قامته ..ونفخ صدره ..وصرخ زي الغول: إيه رأيكم يا فشلة في الأمتحان؟؟!! ..طبعا مش عارفين تجاوبوا..ليه؟؟ألتفت ناحيتي وصرخ بكل قوته:بقول ليــــــــــــــه؟؟فرددت بصوت مبحوح لايكاد يخرج..ليه يادكتور؟؟فاستدار ناحية الباقين:لأنكم ما بتذكروش من سيديهات القسم اللي بنزلها وبتروحوا تنسخوا السيديهات بتاعة الكورسات من المكتبات اللي حولين الكلية ..خلاص.. خلي الكورسات تنفعكم ..أنا بقى عايز أشوف طالب بيضرب زرار ع الكيبورد ولا بيحاول يجاوب أنا بقى ساعتها مش هارحمه..ألتفت تاني ناحيتى وصرخ..عارفين ليه ؟؟يانهار منيل..هو مافيش غيري في اللجنة؟؟رددت بصوت أبح من الصوت الأولاني: ليه يافندم؟؟عشان مفيش حشرة منكم يقدر يجيب الإجابة إللي في دماغي .. طبعا عشان أنا البروفسور عبده المفتري زميل جامعة بنسلفانيا وأوكرانيا وعضو الجمعيــة السوفيتية لعباقرة العالم ..أما أنتوا فشوية حشرات هفعصها برجلية وأولع في الشوذ بعدها عشان هقرف ألبسه..استدار مرة واحدة بزاوية 180 درجة وانحنى علي وصرخ: ولد..أنا أول مرة أشوفك ..أنته ماكنتش بتحضرلي؟؟لأ يا بيه..أنا كنت بحضر ..بس حضرتك أكيد مش فاكرني..كان الله في العون .. ده المدرج 120ألف صرخ في: أنته بتقلل من قدراتي؟؟..أنا لو بشرح لشعب مصر كله هاحفظه واحد واحد!!والله ماأقصد يابيه ..بس أنا اللي قصير وكنت بقعد ورهأخذ يغمغم وهو ينظر إلي في ريبة وتشكك: أنته بتتحداني؟؟..طيب..تقدر تقولي أنا كنت بقول إيه في المحاضرة بتاعة 27أكتوبر الساعــــة اتنين وتلت الضهر؟؟!!ازدردت ريقي وأخذت أردد 27أكتوبر؟؟ 27أكتوبر ؟؟..تصدق يادوكتر أنا الكلام بتاع المحاضرة كان على طرف دماغي بس الظاهر الهيبة اللي على حضرتك خلت الكلام يتهز ويقع مني!!أنته بتألس عليا ياحقير؟؟!! ..خدوه على جهاز الفرمتةأخذت أصرخ :جهاز الفرمتة لأ يا دكتور ..أبوس إيدك بلاش جهاز الفرمتة لكنه لم يرحم توسلاتي .. أجلسوني على جهاز الفرمتة وبدأت عملية الفرمتة ..فرمتة الدماغ..
لم أكره أحد في حياتي مثل ما كرهت عبده المفترى الذي أضاع مستقبلي وأعاد عقلي لنقطة البداية..كي جي تو.. أثيبكم بأه عثان عنتي مثاكلة

أ..أرنب.. ب..بطة ..ت..تفاحة

بوش لعبها صح

2007-12-20T04:27:00.000-08:00

كشفت دراسة يوم الاثنين أن تغطية الاعلام الامريكي لحرب العراق تراجعت بشدة في الربع الثاني من عام 2007 وأرجعت الدراسة ذلك الى تقلص تغطية مناقشة السياسة في دوائر واشنطن بدرجة كبير

وبشكل اجمالي وفيما يتعلق بالخطوط الاساسية الثلاثة وهي مناقشة السياسة الامريكية ازاء العراق والاحداث في العراق وتأثيرها على الجبهة الداخلية انخفضت تغطية حرب العراق بمقدار الثلث الى 15 في المئة من التغطية الاخبارية الكلية مقارنة بما بلغ 22 في المئة في الثلاثة اشهر الاولى من العام

ورصدت الدراسة التي أجراها مشروع التميز الصحفي 18010 تقارير نشرت في الفترة من أول ابريل الى 29 يونيو . وتضمن "مؤشر التغطية الاخبارية" الذي اعتمد عليه المشروع في دراسته 48 مصدرا اخباريا منها الصحف والمحطات الاذاعية والشبكات التلفزيونية والانترنت

ويعتمد المشروع على مجموعة بحث تدرس وتقيم التغطية الصحفية. وتصف المجموعة نفسها بأنها غير حزبية غير سياسية وغير عقائدية

وأظهرت الدراسة ان حملة الانتخابات الرئاسية لعام 2008 بكثرة مرشحيها من الحزبين الجمهوري والديمقراطي تصدرت التغطية الاعلامية الامريكية للربع الثاني من العام متخطية الجدل حول السياسة الامريكية في العراق

وكشفت الدراسة أيضا ان تغطية السياسة الامريكية في العراق حصلت على النصيب الاكبر من التغطية بين المحاور الثلاث المتعلقة بحرب العراق متقدمة على الاحداث على ارض الواقع في العراق وتأثيرها على الجبهة الداخلية

وتراجع الاهتمام بالحرب في القطاعات الاعلامية الخمس التي شملتها الدارسة. وفي الاخبار المسائية التي أعطت الحرب النصيب الاكبر من الاهتمام في الربع الاول من العام انخفضت تغطية حرب العراق من 33 في المئة في الربع الاول الى 19 في المئة في الربع الثاني

وحدث الجزء الاكبر من التراجع بعد 24 مايو ايار حين وافق الكونجرس الامريكي على تمويل الحرب دون تضمين القرار جدولا زمنيا لسحب القوات الامريكية من العراق. واعتبرت وسائل الاعلام ذلك بدرجة كبيرة نصرا للرئيس الامريكي الجمهوري جورج بوش في حربه السياسية مع الكونجرس الذي يهيمن عليه الان الديمقراطيون تمخض عن القرار الذي اتخذه في العاشر من يونيو حزيران برفع عدد القوات الامريكية في العراق

وقالت الدراسة "بعد ذلك هدأ الجدل ومن ثم قلت التغطية

وذكرت الدراسة ان التغطية الاعلامية لما يحدث داخل العراق تركزت ايضا على الامريكيين لا على العراقيين في الربع الثاني من العام

وقالت ان 55 في المئة من التغطية لما يحدث على الارض في العراق تركزت على الخسائر في الارواح بين الامريكيين وأنشطة القوات الامريكية والجنود المتهمين بارتكاب جرائم

وانا اعلق واقول ان الرئيس بوش ليس لديه استراستجية لانهاء حربه الكاراثية كما وصفتها نيويورك تايمز وليس لديه استراتيجية لاحتواء الفوضي التي احدثها

فاخذ يعمل جاهدا لتشتيت انتباه الراي العام عن سياساته الفاشلة في العراق

ياجماعة احنا فعلا نسينا العراق زي مانسينا فلسطين قبل كده كتيييييييير

وبوش فعلا عرف يلعبها صح

اتمني اني اكون وضحت حقائق لابد من ذكرها

وكل عام وانتم بخير

العيد فرحة....ماااااااااء

2007-12-18T07:51:00.000-08:00

كل عام وانتم بخير كل عام وانتم الي اقرب وعلي طاعته ادوم وعن معصيته ابعد

وزي ماقال المعلم بوحة الصباح كل سنة وانتوا طيبين يامعلمين

وايضا زي ماقالت طنط صفاء ام السعود العيد فرحة واجمل فرحة تجمع شمل قريب وبعيد

فالعيد فعلا فرحة بغض النظر عن الامتحانات وقرفها بس هنعمل ايه ده قدرنا

علي العموم مش عايز اوجع دماغكم احنا برده في العيد

ان شاء العام القادم نلتقي علي صعيد عرفات

وكل عام وانتم بخير

هي زمالة ولا صداقة

2007-12-16T12:33:00.000-08:00

هي زمالة ولا صداقة

اولا احب اشكر كل اخواني اللي عبروني وايضا كل اللي معبرونيش

ثانيا ارحب بكم في اول بوست لي في المدونة

طبعا انتوا بتقولوا مال اكلام ده ومال الموضوع لكن معلش اصبروا علي شوية

الحقيقة انا بعتبر موضوع النهارده من اهم المواضيع اللي ممكن اي حد يكتب فبها واي حد يقرا عنها واللي شجعني علي الكتابة في الموضوع ده عدة اشياء اولها مناقشتي مع احد اصدقائي في هذا الموضوع وثانيها ان الموضوع ده يلتبس عند بعض الناس وخصوصا عندنا في الجامعة

موضوع اليوم الصداقة وايه هو الفرق ياجماعة بين الصداقة والزمالة وهل علشان انا ماشي مع فلان طول الليل والنهار يبقي هو فعلا صديقي او صاحبي واقدر ائتمنه علي كل اسراري .علشان كده ياجماعة انا بقولكم ان موضوع النهارده مهم جدا لكثير من الشباب

اولا ايه هو مفهوم الصداقة 00الصداقة هو انه تكون انت وصديقك روح واحدة في جسدين مختلفين يقدروا يفهموا بعض ولو حتي بالاشارة

(وانا بعتبرها زي ما يكون واحد وزوجته زي الزواج يعني (طبعامحدش يفهمني غلط انا بتكلم عن طبيعة الكلام بس مش حاجة تانية !!!!

وبيكون شعور جميل جدا انه يكون عندك صديق تقدر تفضفضله وتقوله كل اسرارك من غير ماتخاف انه يقولها لحد وكده احنا جينا لنقطة الفصل في الموضوع علشان شوية نقط الخصها كالتالي

اولا ان الصديق الصح هو مش بس اللي تقدر تقوله علي اسرارك لا كمان هو يقولك علي اسراره يعني زي مانا بكون طربش وبصارحه بكل حاجة هو ميعملش علي حويط

ثانيا انا شايف برده ان مش كل حاجة اقدر اقولها لصديقي لا فيه شوية حاجات مينفعش اقولها زي مثلا العلاقات الاسرية الشخصية والزوجية

كل ده كويس بس الاهم من ده كله مين هو الصديق اللي اقدر اعتمد عليه بالشكل ده

بصراحة ياجماعة انا عجبني اوي فيلم اوقات فراغ لانه فعلا ناقش قضايا عديدة منها مثلا الحب والشهوة والعلاقات الاسرية المفككة وايضا علاقة الاصدقاء لانه كلهم كانوا دايما جنب بعض في كل المصايب اللي اتعرضولها بصراحة هما دول الاصدقاء الصح 00بغض النظر عن الاخلاق والمصايب اللي عملوها في الفيلم 00لكن انا علقت علي نقطة واحدة وهي العلاقة بينهم فقط

وده ياخدنا لنقطة تانية هي انه الصديق لازم يكون ملتزم يعني الصديق اللي اكون ماشي معاه والاذان بياذن وميقليش تعالي نصلي ميبقاش صديق لانه زي مبنكون مع بعض في اوقات فراغنا وفي لعبنا وخروجاتنا وجلساتنا لازم نعين بعض علي طاعة الله عز وجل

لكن الصديق اللي اخلاقة كدة ولاكدة وطبعا ده مفهوم عند الشباب حاجة من اتنين لاما انا هتاثر به لاما هو اللي هيتاثر بيا واكيد انا اللي هتاثر به لان طبيعة النفس البشرية كدة تميل الي شهواتها فقط والكلام ده ياجماعة والله مش موضوع تعبير دة بيحصل فعلا وراقب نفسك كده هتلاقي نفسك بتتاثر بيه فعلا لكن تدريجيا وعلي المدي البعيد ومتقولش انك هتغيره لانة صعب

لكن في الاخر فيه خطوط حمراء لازم متعديهاش مع صاحبي مثلا مينفعش نسب لبعض ونشتم بعض بالاهل والكلام التاني اللي بيعف عنه اللسان وايضا انا شايف اني متدخلش في مشاكله الاسرية الشخصيو الا لما هو يسمحلي وياذن لي

واخيرا ياجماعة انا نقلت لكم وجهة نظري المتواضعة واللي تفتقد للخبرة عكس حضراتكم

وعلشان كده اتمني من حضراتكم انكم تزودوا الموضوع بوجهة نظركم وخبراتكم

وجزاكم الله خيرا

2007-12-15T13:15:00.000-08:00

بسم الله الرحمن الرحيم

الحمد لله والصلاة والسلام علي رسوله ومصطفاه صلي الله عليه وسلم وبعد

فان هذه المدونة ماهي الا نتيجة لمتابعة عالم التدوين الواسع وقمت بانشاء هذه المدونة علشان شوية حاجات كتير منها

اولا ان الواحد خلاص زهق من الظلم والاستبداد اللي بيعيش فيه العالم كله مش مصر بس

ثانيا تحليل لواقع مجتمعنا المصري والعربي وواقع الشباب الغريب من الفاظ افعال اصبحت من الامور العادية

ثالثا ان النهارده عيد ميلادي14/12 يلا كل سنة وانا طيب وبصراحة استغليت الفرصة ده في اني ادخل عالم التدوين واعمل المدونة ده اللي اتمني يارب انها تعجبكم بالرفم من بساطتها وتواضعها لمدونات تانية كتير

ولن اطيل علي حضراتكم والي لقاء اخر في اول بوست

والسلام عليكم ورحمة الله وبركاته